|
(فَيَغْفِرُ لِمَن يَشَاءُ وَيُعَذِّبُ مَن يَشَاءُ Ўзи истаган кишини мағфират қилиб, Ўзи истаган кишини азоблайди), Аллоҳ Таоло мағфиратни жазодан олдинга қўйяпти. Негаки, У Зотнинг раҳмати ғазабидан муқаддамдир. Бу билан мўминлар мағфират сўрашга, Аллоҳга яқинлик қилишга, Аллоҳнинг ғазабидан, азобидан қўрқишга ундаляптилар.
(وَاللّهُ عَلَى كُلِّ شَيْءٍ قَدِيرٌ Аллоҳ ҳамма нарсага қодирдир) У Зот бандалари устидан Ғолибдир. Унинг ҳукмини ҳеч ким рад эта олмас. Агар кечирса, бас, У Кечиримли, Раҳмли Зотдир. Агар азобласа, бас, Азиз ва Ҳакимдир.
2. Аллоҳ Таоло Пайғамбар с.а.в. ва у кишига эргашган мўминларни эъзозлаб, бизга уларнинг Аллоҳга, У Зотнинг фаришталарига, китобларига, пайғамбарларига қатъий имон келтирганларини хабар қиляпти. Бу Пайғамбар с.а.в.нинг ва у кишининг изидан борган мўминларнинг қилган ишига Аллоҳнинг гувоҳлиги, демакки, уларнинг ўзларини эъзозлашидир.
Аллоҳ уларни имонлари содиқ ва ихлослари қаттиқ бўлгани учун, Аллоҳга қулоқ солганлари ва итоат этганлари учун, бир куни Аллоҳга қайтиб боришларига имон келтирганлари учун, Аллоҳнинг фазлу марҳаматидан умидвор бўлганлари учун, шу билан бирга Аллоҳнинг ҳамма пайғамбарларига ишонганлари ва уларни бир-бирларидан ажратмаганлари учун эъзозлади. Аллоҳнинг пайғамбарлари пайғамбарликлари жиҳатидан бир-бирларидан фарқ қилмайдилар. Лекин Аллоҳ уларга айрим имтиёзлар ҳам берган. Масалан, Муҳаммад с.а.в.нинг рисолатини якуний рисолат қилиб, у билан олдинги пайғамбарларнинг шариатларини насх қилган. Буни
تِلْكَ الرُّسُلُ فَضَّلْنَا بَعْضَهُمْ
– „Ўша пайғамбарларнинг айримларини айримларидан афзал қилдик“. [2:253]
ояти билан
لاَ نُفَرِّقُ بَيْنَ أَحَدٍ مِّن رُّسُلِهِ
(Унинг пайғамбарларидан бирон кишини ажратиб қўймаймиз) ояти ўртасида зиддият йўқлигини шарҳлаган пайтимизда айтиб ўтгандик. Ўшанда кейинги оят пайғамбарлик жиҳатидан фарқланмаслик ҳақида, дегандик. Демак, пайғамбарлар пайғамбарлик жиҳатидан бирдирлар, улар ўртасида ҳеч қандай фарқ йўқ.
Аллоҳ Таоло Ўзининг Китобида мана шундай баён қилди. Пайғамбар с.а.в. ўзларининг суннатларида мана шундай баён қилдилар. Мўминлар эса у кишининг изларидан бориб, қулоқ солдик, итоат этдик, Парвардигоро, мағфиратингни сўраймиз,
220-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232